Rosa sløyfe-marsj vel gjennomført
Med seks-sju varmegradar og gråvêr som kulissar, lyste eit lite tog med trimmarar opp søndagen.
For også i år møtte folk opp for å delta i Rosa sløyfe-marsjen på Lauvsnes. Mellom tjue og tredve trimmarar deltok.
For store og små
Både store og små møtte opp, frå dei som satt i barnevognar til godt vaksne. Ja, det var til og med eit par hundar på den viktige søndagsturen.
Mange av deltakarane var med heile vegen frå Lauvsnes skole til Løyøybrua og attende, mens nokre kom på undervegs på turen.
Gry Hanssen som er initiativtakar også i år, er fornøgd med at mange også i år prioriterte å ta turen.
– Det er flott at folk kjem og deltek, smiler ho.
