NVE-ja til vindmøller på Innvordfjellet
NVE gir Zephyr konsesjon til Innvordfjellet vindmøllepark i Flatanger.
NVE har sendt ut følgende pressemelding:
«NVE gjev Zephyr AS løyve til å byggje og drive Innvordfjellet vindkraftverk med ein installert effekt på 115 MW. NVE gjev samstundes NTE Nett AS løyve til å byggje og drive ein omlag 34 km lang 66 kV kraftleidning mellom Innvordfjellet vindkraftverk og Daltrøa transformatorstasjon, via nye Solheim koplingsstasjon.
Innvordfjellet vindkraftverk ligg i Flatanger kommune, og leidningen går i gjennom Flatanger, Namdalseid og Namsos kommunar. Alle tiltaka ligg i Nord-Trøndelag fylke.
NVE har lagt vekt på at planområdet er godt egna for vindkraftproduksjon, og Innvordfjellet vindkraftverk vil vere eit bidrag til auka fornybar kraftproduksjon. Etter NVE si vurdering er dei samla fordelane ved etableringa av Innvordfjellet vindkraftverk større enn ulempa tiltaket fører med seg.
Kartet viser Innvordfjellet vindkraft (Kart: Rambøll)
Vindkraftverket kan produsera inntil 342 GWh ved ei full utbygging. Det svarar til straumbruken i 17 000 husstandar.
Dei viktigaste negative verknadane av tiltaket er etter NVE si vurdering knytt til visuelle verknader, både åleine og sett i samanheng med anna vindkraftutbygging i regionen. Kraftverket kan òg ha negative verknader for kulturminner og lokalt friluftsliv.
NVE gjev samstundes NTE Nett AS løyve til å knyte Innvordfjellet vindkraftverk til det eksisterande nettet med ein 66 kV kraftleidning frå Innvordfjellet transformatorstasjon til Daltrøa transformatorstasjon i trasé 1a (sjå søknad). Overføringa består av ein om lag 30 km lang luftleidning, og ein om lag 4 km lang sjøkabel frå Hoddøya til Otterøya.
NTE Nett AS får og løyve til å byggje ein ny koplingsstasjon på Solheim i Namsos kommune. NVE sett krav om at NTE Nett skal utføra avbøtande tiltak ved bustadane i Halsvegen for å redusere berekna magnetfeltverdiar. NVE meiner at tiltaket elles vil gje små verknader for allmennheita og naturmangfaldet.
NVE stiller krav om utarbeiding av ein miljø-, transport- og anleggsplan for å ivareta nærmiljø, naturmiljø og samfunnsinteresser, særskild i anleggsfasen, for begge prosjekta.
NVE stadfestar at Statkraft Agder Energi (SAE) Vind AS har varsla avslutning av vidare planlegging av Breivikfjellet vindkraftverk i Namdalseid og Namsos kommunar.»
